EAJ-PNV Europako alderdi berri zentrista horren 7 bazkideetarik bat da. Egitura berri horrek Europa federala, batua eta azkarra sortu nahi du. Alderdi berri horren barne araudietan agertzen diren Herri historikoen, bainan ere hizkuntz eta kultur ainitztasunaren onarpenak, gure abertzaletasunaren errespetua bermatzen dute.

Josu Jon Imaz egitura berri horren lehendakari orde bilakatzen da, ohorezko lehendakaria, Romano Prodi izanen delarik, bi lehendakariekin : Francisco Rutelli eta François Bayrou. AED batzen da zentrista den Europako liberal Alderdiarekin eta horrela bien artean talde garrantzitsua osatzen dute 88 deputatuekin, baliagarri daitekena gehiengoen lortzeko Europako Legebiltzarrean. Epe laburreko helburua da mugimendu horren presentzia finkatzea, Europako herri guzietan.

Iparraldean, bi alderdi zentristak AED ordezkatuko dute, UDF eta gu, EAJ-PNB.

Espero dezagun europazale gune politika hau bere eragina azkartuz joanen dela, herritarrei ohartaraziz europako eraikuntzaren baikortasuna, bakearentzat, elgar ulertzearentzat, bainan ere beharrezko bidea delako indar ekonomiko eta politikoaren segurtatzeko.

Hurrengo urratsa gero baikor horren eraikitzeko : AEDren lehen bilkura, Bilbon, hurrengo Otsailaren 04 eta 05etan, Euskaldun gisa, guretzat sinbolikoki biziki garrantzitsua izanen dena.