Iparraldean, 450 ikasle gehiago izanen badira ere, 12 erakasle postuen kentzea ez dute indargabetzen.

Politika horren tokiko ondorioak kezkagarriak dira. Lapurdin, orokorki 7 lantoki kentzen dira. Beraz, eskoletan ikasleen kopurua handituko da.

Bainan, jende guttiegi dituzten lurraldeak ere unkituak dira. Hala nola, Baigorri edo Xiberoa ez dira ongi tratatuak, postu murrizte eta Larrañen eta Altzukun eskolen hesteekin. Horrela, herri batzu borrokatzen dira zerbitzu publikoen atxikitzeko eta jendeen mantentzeko tokian berean, bainan administrazioek ez dute garrantzi handirik ekartzen lurralde antolaketari.

Aldi bat baino gehiago, ele ederrek ez dute ondoriorik.

Sarkozy minixtroaren hitz handietik urrun bagira ere, klase elebidunen erakasleen kopurua orokorki azkartuz doa, baina ez aski. Horrek ez luke sortu behar tokiko tentsio maltzur bat : oposaketa txarra : erakasle kopuruan, ttipitzen ari den sistema elebakarra eta pixka bat handitzen ari den sistema elebidunaren artean.

Arazoa beste eremu batean da. Ekonomiak lortu behar dira, bainan, lehenik, zentralistakeriaren aurka jokatuz, hezkunde administrazioaren mailak kenduz. Ez ahantz, 1,2 milion funkzionario badirela.

Bai erraiten diogu erakasleen kopuruaren mantentzeari, egiazko deserdiraketa eginez, administrazio zentralistaren ibilmolde pizua arinduz. Geldi dezagun deserdiraketaren aurkako jokoak, berdintasuna hauts lezakelakotz. 20 urtez, eskualdeek kudeatzen dituzten zerbitzu guziak lehen baino hobeki dira. Ele teorikotik urrundik egonez, galdegin dezagun eskualdeei esperimentazioak lortzea erakaskuntzan.