Laborantza Ganbararen gaian (orr.13), nun auzapezak mehatxatuak izanen diren Euskal Herri departamenduaren aldeko laguntzen gatik, legezko argudioak baliatuak dira errealitatea argiki ez begiratzeko : podereak hautsi nahi du funtsezko mugimendu bat : Batera-ren aldarrikapenen herrikoitasuna (orr.3). Momento berean, hemen euskalzaleak eta abertzaleak baztertuak direlarik, Hegoaldean, Ibarretxe lehendakariak, Eusko Autonomi Erkidegoko euskaldun guzien ordezkaria eta fedez abertzalea, mezu humanistak banatzen ditu Kolonbian, bahiketetaz zatitua den herri huntan (orr.5-7). Kudeatzen du ere Eusko Jaurlaritza, erregularki goraipatua bere lorpen ekonomikoen gatik, bilakatzen ari dena ere nazioarteko erreferentzi bat garapen jasangarrian (orr.11). Anbizioa eta fedea geroari begira, alderdiaren baitan da, bere pestak erakusten duen bezala : Alderdi Eguna (orr.8-9). SNCMko krisia, Estadoaren gastu eta kudeaketaren txarren gatik, Korzikako populuaren interesei bizkar emanez (orr.6), Gales-eko iratzarpena (orr.7) eta Ipar Kataluniaren arrakasta "Septimanie" proiektu erraldoi jakobinoaren aurka (orr.12) erakusten dute eskualdezaletasuna jarraitzen duela bere garapen erregularra Europan. Azkenik, sekulan ez ahanzteko nundik etortzen giren, ikurriñaren historia (orr.14) eta euskal abertzaletasuna, Elias Gallastegui-ri buruz (orr.15) orroiztarazten digute jarraipen historikoaren beharra.