Gazteetarik 4etarik bat langabezian da. Ihardokitzeak biziki orokorrak eta oldarrik gabe egoiten dira. Gaitz horren aurkako neurriak, CPE bezala, lanean sartzeko bultzapen demagogikoak gelditzen dira. Ez dute konpontzen egiturazko arazo frantsesa.

Langabetuak eta enpresaburuak zailtasunean

Egunero elekatzen gira nahikunde handiko langabetuekin, hetsituak, gaizki bideratuak eta gaizki preparatuak enpresen beharrei. Egunero, topatzen ditugu ere nahikunde handiko enpresaburuak, jende kalifikatuen aurkitzeko zailtasunekin edo beren egitasmoen aintzinarazteko traba askorekin.

Egiazko garapen plangintza baten alde

Euskal herriak enpresaburu eta sustengu egitura aktiboak badauzka, Baionako CCI, Tokiko misionea, enpresa sortzaile guneak, Hemen-Herrikoa, Bultza, Hazia, Clefe... Euskal herriko Garapen Kontseiluak gogoeta bat abiatu du ere 2020ra arte ekonomiari buruz. Bainan, nork ekarriko du egitasmo hau ?

Falta zaigu egiazko garapen plangintza estrategiko bat, Garapen erakunde batek ekarririk tokiko instituzio guzien izenean (Herrialdea, Herri Elkargoa) tokiko enpresen lotura azkarrarekin eta formakuntza sarearekin, ekintza eraginkorra eginez, Ipar Euskal herri mailan. Adibidez, partaidetzak beharrezkoak dira tokiko « cluster »en inguruan, Hegoaldeko esperientsien eredua baliatuz.

Egoera hau ez da mugitzen ahalko Erakunde politikoen banatze hain handiarekin.