2005eko Europako estatistiken arabera, Pariseko herrialdea Europako 6. lurralde aberatsena da biztanleen bakotxaren arabera 38 666€ko aberastasuna sortuz. Frantziako biztanleen %20a hor kokatzen da. Rhône-Alpes, Frantziako bigarren lurraldea 56. da, biztanle bakotxaren arabera 25 291€ aberastasuna sortuz, hirugarren Alzazia, 75. biztanle bakotxaren arabera 23 619€ sortuz. Pariseko herrialdean dagoen ahalbide eta podereen metaketa handiegia beste lurraldeak beren giza ahaletaz hustu ditu. Frantses arduradun politikoak egun batez kuraia aski ukanen dutea ezberdintasuna sortzen duen eredu historiko hori zalantzan ezartzeko egiazko haustura bat eginez ?

EAJ-PNBk eredu horren baztertzea proposatzen du Europa batu bat sortuz herrialde azkarrekin, gaur hor sortzen baita egiazko garapen ekonomikoa. Europako Batasunak herrialdeen aldeko politika azkartu behar du, gaur bere aurrekontuaren %25ekoa bada ere, egiazko euskal euro herrialde bat sortuz, gure garapenarako ezinbesteko maila.