Gaurko krisialdi ekonomikoaren egoeran, Frantses Estadoak ez du kasik deusik aurreikusi Iparraldeko proiektu berrien sustengatzeko. Alta, hemen lurralde proiektu bat pentsatua izan da gizartearen eragile eta hautetsien artean. Hori da Euskal Herria 2020ko 34 programak. Egoera horretan, EAJ-PNBk bere galdea berresten du : Euskal herria 2020ko lurralde proiektua azkartzea lasterrago gauzatuz, ekonomia, zozial, kultur eta ingurumen arloetan diren proiektuak lasterrago obratzeko.


Geroari begira, gure erabakien hartzeko gaitasuna eskuratu behar dugu. Beraz, Frantses tokiko lurralde erakundeen erreformaren karietan, EAJ-PNBk 2002ko proposamen instituzionala gaurkoturik aurkeztuko du udazken honetan. Proiektu hau Batera plataformak bultzatu herri kontsultarekin osagarria da. Euskal Herriko Lurralde Erakunde berezi horren bidez, Iparraldea onarturik izanen da eta biztanleen eguneroko bizi galdei erantzuteko gai izanen da.