Urkulluk azaldu duenez gauza bat du argi eta garbi, "egitasmo politikoak gardentasunean, egian, printzipioen zintzotasunean eta ordezkatzen duten Herriaren interesen defentsan oinarrituta daudenean, gizartearen babesa jasotzen dute. Eta hori da Catalunyan gertatu dena".

"CiUk lortutako emaitzekin erakusten da gehiengo soziala faltsutzeko xedez  eta hautestontziek eman ez dieten boterea lortzeko helburuarekin alderdi politikoen artean sortu diren akordioak porrotera kondenatuta daudela ; eta helburu horiekin  oztopoak jartzen dizkiete garapenari, egonkortasun instituzionalari eta gizartearen beraren ongizateari ere" gaineratu du.

Buruzagi abertzaleak azpimarratu du baita "oraindik zalantzarik geratzen bada esango dut ni konbentzituta nagoela hauteskunde emaitza hauek pentsamolde nazionalistaren indartzea suposatzen dutela. Iragana eta oraina duen egitasmoa da; eta atzokoan erakutsi zen moduan, etorkizuna ere badu, Sustraietan, printzipio demokratikoetan, hurbiltasunean eta nork bere interesen defentsan oinarritutako egitasmoa delako".

Amaitzeko gaineratu duenez "Euzko Alderdi Jeltzalearen aburuz emaitza hauek hausnarketa eragin beharko luketela Espainiar Estatuko alderdi biengan; hausnartu egin behar baita Catalunyako eta Euskadiko izate nazionalei konponbidea emateko Estatu ereduaren inguruan, Estatuak ezin baitu estatu aberri anitzaren errealitatea baztertzen jarraitu".