Olabarriaren esanetan, polizia talde bi hauek integralak dira eta osoko eskumenak dituzte hiritarren segurtasunean eta gizarte babesean. Beraz, "guztiz egokiak dira" Polizi Nazionalak eta Guardia Zibilak egiten dituzten funtzioak betetzeko. Orduan, guztiz funtsezkoa da  informazioa partekatzeko europar sisteman integratzea.

"Ertzaintzak eta Mossos d'Esquadra  taldeek beren jarduteko aukerak neurri handi batean murriztuta dauzkate eta ondorioz murritzagoa da ematen duten polizi zerbitzua ere, ez baitute Europako estatuz gaindiko egitura polizialen informazioa eta bereziki 1985 urtean sortu zen eta  Espainiar Estatuak 1991eko ekainaren 25ean berretsi zuen Schengen Sistemako informazioa zuzenean jasotzen", azaldu du diputatu jeltzaleak.