Frantses Gobernuak bere ikusmoldea inposatzen duelarik eta erabakitzen zer den ona guretzat, beharrezkoa da sentsabilizazioa eta mobilizazioa jarraitzea Elkargo berezi horren alde, gure egitasmoaren heldutasuna erakutsiz. Xiberoko hitzordu hau Iparraldeko lurraldearen defendatzeko parada da ere zatiketa arriskua salatuz kantonamendu berriekin. Solasaldiaren bidea ezinbestekoa da beldur eta gaizki ulertzeak gainditzeko, bere etorkizuneko egitasmoa gauzatzeko gai lirateken Iparralde bat aldarrikatuz.