EAJ-PNBk Iparraldeko Lurralde Elkargoari bere atxikimendua berresten du, gure beharrei hobekiegi moldatua den egitura instituzionala delako. EAJ-PNB idekia da aztertzeko helburu hortaz hurbil diren aterabideak.

Guttienezko erakunde baldintzak ezinbestekoak dira : ejekutibo bat erantzule demokratikoko hautatu Biltzar baten aintzinean, eskumen arruntak edo bereziak eta horietan guttienez Hautetsien Kontseiluak galdegin beharrezko 8 eskumenak, aurrekontu autonomia bat zerga zuzenen kudeaketarekin, gaitasuna negoziatzea eta hitzartzea beste Erakundeekin, Euskadi eta Nafarroako erakundeak barne.  Ildo hortan, proposatu herrien arteko elkargoak interesgarri dira. Estadoak proposatu « aglomerazio elkargoa », gogoetak pizten ditu.

EAJ-PNBk argitasunak eta bermeak nahi ditu.

EAJ-PNBk argitasunak galdegiten ditu :

- hiru motazko herrien arteko elkargoen konparaketa zergatuak (Herri Elkargoa, Aglomerazio Elakrgoa eta Hiri Elkargoa)

- aulkien beste banaketa eta haien kopuruaren murrizketa posible izaitea, edozoin motako blokeo arriskuak deusesteko

- aurrekontu zehatzak

- eskumenen transferentziari buruz, Parisen eztabaidan dagoen lurralde aldaketaren arabera

- egutegiaren urrats zehatzak

EAJ-PNBk bermeak galdegiten ditu :

- barne kudeantza eraginkor bat eta segurtatua, lurraldearen ezberdinatsun handiak kontutan hartuz

- erakunde batzuen integrazioa instituzio berrian, adibidez, kultur eta hizkuntza mailetan

-  Lapurdi (hiri eta hiri ingurukoa lurraldeak), Baxe Nafarroa eta Xiberoko lurralde historikoen onarpena, herrien arteko egitura egoki batean, sindikata mixto motatakoa

-  Estadoaren sustengua eskumenen delegazioen negoziaketetan

-  Ondarea eta diru ahalbideen transferentzia gaurko herri elkargoetatik Iparraldeko Herri Elkargo berrirat