Arandiaren ustez "lekutan gelditzen zaigu guri Schroeder kantzilerrak, bere alderdiak hauteskundeetan atzera egin zuela ikusita, herriaren konfiantza berreskuratu nahian, Bundestag alemaniarra deuseztatzeko izan zuen adorea. Frantzian, aldiz, egoera oso bestelakoa da: ez presidentearen dimisiorik, ez Asanblada Nazionalaren desegiterik. Gainera, bertan Alemanian baino nabarmenagoa da boterearen krisia".

Amaitzeko, buruzagi jeltzaleak adierazi duenez "orain, inoiz ez bezala, Frantzia berri bat sortzea zaila dirudi. Guk, Europarekiko atxikipena berretsi dugun Iparraldeko euskaldunok, gure auzokide eta lehengusu Hegoaldeko euskaldunekin batera lan egin behar dugu itxaropentsu, izan ere, Europako milaka biztanlek bezala, eurek ere konfiantzaz beteta ageri baitira etorkizunari begira".